கண்கள் வெறும் கருவிகள் தானே

சுடிதார் மேல்புறம்
காற்றில் பட படக்க
இமை சிறகு
அக்கம் பக்கம் அடித்து
திறப்பில் பறக்கும் கண்கள்

கோளங்கள் தரை
குனிந்து கோலமிட
கதப்புகளில்
குத்து ஈட்டியாய்
நிலை குத்தும் கண்கள்

மேக சேலை மறைப்பில்
அமிழ்தூட்டும் சிகரங்களை
சன்னமாக கன்னமிட்டு
மின்னலாய் நோட்டமிடும் கண்கள்

காணாமல் போன
களவானி பயல்களை
தேடி தேடி கண்டு
அலையும்
காவல்காரனாய் கண்கள்

இறந்த சடலத்திலும்
கலைந்த ஆடையில்
திறந்த கலசங்கள்
மொய்க்கும் ஈக்களாய்
விவஸ்தை கெட்ட கண்கள்

விவஸ்தை கெட்டவை
கண்களா
சாத்தானா
மறுக்கப்பட்ட கனியா
உணட ஏவாளா
ஆடை கண்ட ஆறாம்அறிவா

கண்கள்
வெறும் கருவிகள் தானே